Qədim dövrlərdən bəri ölkəmizi odlar diyarı adlandırırlar. Bunun səbəbi ölkəmizin müxtəlif yerlərində yerdən çıxan alovdur. Belə yerlərdən biri də Yanardağdır. Yanardağ Abşeron rayonunun Digah qəsəbəsi ilə Məhəmmədi qəsəbəsi arasında yerləşən dövlət qoruğudur. Bu ərazidən keçən insanlar Yanardağın gözəlliyinə tamaşa edirlər. Bura dünyanın müxtəlif ölkələrindən turistlər gəlir. Bəziləri Yanardağa dini inanc yeri kimi, bəziləri isə təbiət hadisəsi kimi baxır. Yanardağın yuxarı ərazisinin hündürlüyü 116 metrə çatır.Bura Abşeronun ən hündür zirvəsi hesab olunur və dəniz səviyyəsindən 86 metr hündürlükdədir. Bəzən Yanardağda alovun hündürlüyü 10-15 metrə çatır. Burda işləyən işçilərin dediklərinə görə yağış yağanda alovun çıxdığı yerlərdən əlavə digər yelərdəndə alov çıxır. Qış fəslində torpağın yumşalmasından kükürd üzə çıxaraq alovu daha da şiddətlədirir. Qoruğun direktoru Malik Fətullayevin bildirir ki, hələ qədim dövrlərdə Yanardağın əks istiqamətində yanan üç təpə olub. İndi isə həmin təpələr sönüb. Bakının rəmzi hesab olunan üç yanar alov dili və dəniz simvolu da Yanardağın mövcudluğuna istinadən qəbul edilib.